'ராஜா ராணி', 'தெறி' ஆகிய இரண்டு வெற்றி படங்களை இயக்கிய இயக்குனர் அட்லி, தற்போது இளையதளபதி விஜய் நடித்து வரும் 'தளபதி 61' படத்தை இயக்கி வருகிறார். இந்த படத்தின் படப்பிடிப்பு வெளிநாட்டில் விறுவிறுப்பாக நடைபெற்று வருகிறது.

இந்த நிலையில் அட்லி தயாரித்த 'சங்கிலி புங்கிலி கதவ தொற' திரைப்படத்தின் சென்சார் தகவல்கள் தற்போது வெளிவந்துள்ளது. இந்த படத்திற்கு சென்சார் அதிகாரிகள் 'யூ/ஏ' சான்றிதழ் அளித்துள்ளனர். இதனால் அட்லியின் முதல் தயாரிப்பு படமே தமிழக அரசின் வரிவிலக்கு சலுகைக்கு தகுதி பெறவில்லை என்பது குறிப்பிடத்தக்க்கது. மேலும் இந்த படம் வரும் 19ஆம் தேதி ரிலீஸ் என்று அதிகாரபூர்வமாக அறிவிக்கப்பட்டுள்ளது.

ஜீவா, ஸ்ரீதிவ்யா, சூரி, ராதிகா, ராதாரவி, தம்பி ரமையா உள்பட பலர் நடித்துள்ள இந்த படத்தை ike இயக்கி வருகிறார். சத்யன் சூரியன் ஒளிப்பதிவில் சுரேஷ் படத்தொகுப்பில் உருவாகியுள்ள இந்த படத்திற்கு விஷால் சந்திரசேகர் இசையமைத்துள்ளார். சமீபத்தில் வெளியான இந்த படத்தின் டிரைலர் நல்ல வரவேற்பை பெற்றது என்பது குறிப்பிடத்தக்கது.