நடிகர் விஜய்சேதுபதி நடித்த 'சூப்பர் டீலக்ஸ்' திரைப்படம் வரும் வெள்ளியன்று வெளியாகவுள்ளது. மேலும் அவர் நடித்து முடித்துள்ள மற்ரொரு திரைப்படமான 'மாமனிதன்' ரிலீஸ் தேதி விரைவில் அறிவிக்கப்படவுள்ளது.

இந்த நிலையில் விஜயா புரடொக்சன்ஸ் தயாரிப்பில் விஜய்சந்தர் இயக்கத்தில் விஜய்சேதுபதி நடிப்பில் உருவாகி வரும் படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்திற்கு 'சங்கத்தமிழன்' என்ற டைட்டில் வைக்கப்பட்டுள்ளதாக செய்திகள் வெளிவந்துள்ளது. இதுகுறித்த அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.

விஜய்சேதுபதி, ராஷிகண்ணா, நிவேதா பேத்ராஜ், உள்பட பலர் நடித்து வரும் இந்த படத்திற்கு இளம் இரட்டையர்களான விவேக் சிவா-மெர்வின் சாலமன் இசையமைக்கவுள்ளனர். இந்த இரட்டையர்கள் ஏற்கனவே 'வடகறி', 'புகழ்', 'குலேபகாவலி', 'மோகினி' போன்ற படங்களுக்கு இசையமைத்துள்ளனர் என்பது குறிப்பிடத்தக்கது.