సంఘమిత్రగా నయన...
- IndiaGlitz, [Sunday,June 18 2017]
బాహుబ‌లి త‌ర్వాత అంతే రేంజ్‌లో సినిమా స్టార్ట్ చేయాల‌ని దర్శకుడు సుంద‌ర్‌.సి ప్లాన్ వేశాడు. అందులో భాగంగా రూపుదిద్దుకోనున్న సినిమాయే సంఘ‌మిత్ర. టైటిల్‌రోల్‌లో ముందు శృతిహాస‌న్ అనుకున్నారు. అందుకు త‌గ్గ‌ట్లు శృతిహాస‌న్ క‌త్తి యుద్ధాలు గ‌ట్రా నేర్చుకుంది. ప‌స్ట్‌లుక్‌ను కూడా కేన్స్‌లో విడుదల చేశారు.
డేట్స్ అడ్జ‌స్ట్ కావ‌డం లేదంటూ శృతి ప్రాజెక్ట్ నుండి త‌ప్పుకోవ‌డంతో సినిమా కాస్తా హోల్డ్‌లో ప‌డింది. టైటిల్ పాత్రలో ఇప్పుడు ఎవ‌రు చేస్తార‌నే దానిపై యూనిట్ మ‌ల్ల గుల్లాలు ప‌డుతుంది. అనుష్క, హ‌న్సిక అంటూ చాలా పేర్లు వినిపించాయి కూడా. అయితే యూనిట్ ఇప్పుడు టైటిల్ పాత్రలో న‌య‌న‌తారను తీసుకోవాల‌నుకుంటున్నార‌ట. త‌మిళంలో స్టార్ హీరోయిన్‌గా రాణిస్తున్న నయన పూర్తిస్థాయి రాణి పాత్రలో న‌టించే చిత్రం ఇదే అవుతుంది. మ‌రి నయన ఏం చెబుతుందో తెలియ‌డం లేదు. ఈ చిత్రంలో జ‌యం ర‌వి, ఆర్య లీడ్ రోల్స్ చేస్తున్నారు.