மக்கள் செல்வன் விஜய்சேதுபதி நடித்த 'சங்கத்தமிழன்’ திரைப்படம் நேற்று வெளியாக இருந்த நிலையில் திடீரென ஏற்பட்ட பொருளாதார பிரச்சினை காரணமாக நேற்று இரவு ஒரு சில திரையரங்குகளிலும், இன்று முதல் அனைத்து திரையரங்குகளிலும் வெளிவந்துள்ளது. இந்த படத்திற்கு பாசிட்டிவ் விமர்சனங்களை கிடைத்து வரும் நிலையில் இந்த படத்தின் இயக்குநர் விஜய் சந்தர் சமீபத்தில் தொலைக்காட்சி ஒன்றுக்கு பேட்டியளித்தார்.

அந்த பேட்டியில் இந்த படம் குறித்து அவர் கூறும்போது ’இந்த படத்தின் ஸ்கிரிப்ட் தயாரான போதே மாஸ் ஸ்கிரிப்ட்டாகத்தான் தயாரானது. இந்த ஸ்க்ரிப்டை முதலில் தெலுங்கில் ஒரு பிரபல தயாரிப்பாளருக்காக எழுதினேன். அவரும் இந்த திரைப்படத்தில் பவன் கல்யாணை நடிக்க வைக்க திட்டமிட்டிருந்தார். எனவே பவன் கல்யானுக்கு ஏற்றவாறு திரைக்கதையை அமைத்தேன். இந்த படம் தமிழில் தயாரானால் விஜய் போன்ற மாஸ் நடிகர் நடித்தால் நன்றாக இருக்கும் என்றும் கருதப்பட்டது.

இந்த நிலையில் ஸ்கிரிப்ட் எழுதும் பணி முடிந்தவுடன் இந்த படத்தில் விஜய் சேதுபதி நடிப்பதற்காக ஒப்பந்தமானார். அதன் பின்னர் விஜய்சேதுபதியின் ஸ்டைலுக்காக இந்த கதையி, மற்றும் வசனத்தில் சில மாற்றங்கள் செய்யப்பட்டது.

தற்போது விஜய்க்கு இணையாக விஜய்சேதுபதி மாஸாக இருப்பதால் அவருக்கு இந்த கதை பொருத்தமாக இருக்கும் என்று முடிவு செய்யப்பட்டு அவருக்கு ஏற்றவாறு ஒரு சில மாற்றங்கள் செய்து இந்த படத்தை உருவாக்கியுள்ளோம் என்று விஜய் சந்தர் அந்த பேட்டியில் கூறியுள்ளார்.