பிரபல இயக்குனர் கௌதம் மேனனின் அடுத்த திரைப்படத்தின் சென்சார் தகவல் சற்று முன் வெளியாகி உள்ளது.

பிரபல இயக்குநர் கவுதம் மேனன் இயக்கத்தில் ’ஜோஸ்வா இமைபோல் காக்க’, ‘துருவ நட்சத்திரம்’ மற்றும் ’வெந்து தணிந்தது காடு’ ஆகிய மூன்று திரைப்படங்கள் உருவாகி வருகிறது என்பதும் இந்த மூன்று திரைப்படங்களின் படப்பிடிப்புகளும் நிறைவடையும் தருவாயில் இருப்பதால் அடுத்தடுத்து ரிலீஸ் ஆக வாய்ப்பு உள்ளது என்பது குறிப்பிடத்தக்கது.

இந்த நிலையில் இயக்குனர் பணி மட்டுமின்றி ஒரு சில திரைப்படங்களில் கௌதம் மேனன் நடித்து வருகிறார் என்பது தெரிந்ததே. சமீபத்தில் வெளியான விஜய் ஆண்டனியின் ‘கோடியில் ஒருவன்’ என்ற திரைப்படத்தில் முக்கிய கேரக்டரில் நடித்துள்ள கௌதம் மேனன், வரும் அக்டோபர் 1ஆம் தேதி வெளியாக உள்ள ’ருத்ரதாண்டவம்’ என்ற திரைப்படத்திலும் நடித்துள்ளார் என்பது குறிப்பிடத்தக்கது.

இந்த நிலையில் கௌதம் மேனன் நடித்த திரைப்படங்களில் 3:33. நடன இயக்குனர் சாண்டி முக்கிய வேடத்தில் நடித்துள்ள இந்த திரைப்படத்தை நம்பிக்கை சந்துரு என்பவர் இயக்கியுள்ளார். இந்த படத்திற்கு சென்சார் அதிகாரிகள் ’யுஏ’ சான்றிதழ் அளித்துள்ளனர் என்பது குறிப்பிடத்தக்கது. இதனை அடுத்து இந்த படத்தின் ரிலீஸ் தேதியை விரைவில் அறிவிக்க உள்ளதாக தகவல்கள் வெளியாகியுள்ளன.