సందీప్ కొత్త చిత్రం..కొత్త దర్శకుడు..
- IndiaGlitz, [Tuesday,February 02 2016]
సెల‌క్టివ్‌గా సినిమాలు చేసుకుంటూ వెళుతున్న హీరోల్లో సందీప్ కిష‌న్ ఒక‌డు. నూక‌య్య పేమ్ అనిల్ క‌న్నెగంటి ద‌ర్శ‌క‌త్వంలో త‌మిళ, మ‌ల‌యాళంలో విజ‌య‌వంత‌మైన నేరం సినిమా రీమేక్ 123లో నటిస్తున్నాడు. అలాగే రాజ‌సింహ ద‌ర్శ‌క‌త్వంలో నిత్యామీన‌న్‌తో క‌ల‌సి రొమాంటిక్ కామెడి ఎంట‌ర్ టైన‌ర్ ఒక్క అమ్మాయి త‌ప్ప చిత్రంలో నటిస్తున్నాడు.
ఈ రెండు చిత్రాలు కాకుండా మ‌రో చిత్రంలో న‌టించడానికి సందీప్ గ్రీన్ సిగ్న‌ల్ ఇచ్చాడ‌ట. ప్ర‌తినిధి చిత్రానికి డైలాగ్స్ అందించిన ఆనంద్ ర‌వి ద‌ర్శ‌క‌త్వంలో ఈ సినిమా తెర‌కెక్క‌నుందని, ఈ చిత్రాన్ని బెక్కం వేణుగోపాల్‌, రూపేష్‌లు నిర్మిస్తార‌ని,ఈచిత్రంలో ఓ స్టార్ హీరోయిన్‌ను న‌టింప‌జేయ‌డానికి ప్ర‌య‌త్నాలు జ‌రుగుతున్నాయ‌ని స‌మాచారం.