ప్ర‌స్థానం సినిమాతో న‌టుడిగా కెరీర్‌ను స్టార్ట్ చేసిన సందీప్ కిష‌న్ అటు త‌మిళం, ఇటు తెలుగులోనూ సినిమాలు చేస్తూ త‌న‌దైన గుర్తింపును సంపాదించుకున్నారు సందీప్‌. క్ర‌మంగా హీరోగానే కాదు.. నిర్మాత‌గానూ మారి నిను వీడ‌ని నీడ‌ను నేనే సినిమాను నిర్మించారు. హీరోగా న‌టిస్తూ, సందీప్ నిర్మించిన తొలి చిత్రం నిను వీడ‌ని నీడ‌ను నేనే మంచి విజ‌యాన్ని సాధించింది. ఇప్పుడు సందీప్ కిష‌న్ మ‌రో సినిమా నిర్మాణంలో సందీప్ బిజీగా ఉన్నారు. ఆ సినిమానే ఏ1 ఎక్స్‌ప్రెస్‌. దీని త‌ర్వాత సందీప్ ఎవ‌రితో సినిమా చేస్తాడ‌నే దానిపై క్లారిటీ రాలేదు.

లేటెస్ట్ సినీ వ‌ర్గాల స‌మాచారం మేర‌కు సందీప్ కిష‌న్ డైరెక్ట‌ర్ వి.ఐ.ఆనంద్ ద‌ర్శ‌క‌త్వంలో సినిమా చేయ‌బోతున్నార‌ని టాక్‌. ఇప్ప‌టికే చ‌ర్చ‌లు పూర్త‌యాయ‌ని అంటున్నారు. త్వ‌ర‌లోనే అధికారిక స‌మాచారం రానుంద‌ట‌. ఇక్క‌డ ప్ర‌స్తావించాల్సిన విష‌య‌మేమంటే ఇంత‌కు ముందు సందీప్‌కిష‌న్‌, వి.ఐ.ఆనంద్ కాంబినేష‌న్‌లో టైగ‌ర్ సినిమా విడుద‌లైంది. ఈ సినిమాలో సందీప్‌ను స‌రికొత్త యాంగిల్‌లో ప్రెజంట్ చేసిన ఆనంద్‌, ఈ సారి మ‌రో కొత్త కోణంలో ఆవిష్క‌రించ‌బోతున్నాడ‌ని టాక్. యాక్ష‌న్ కాన్సెప్ట్‌తో పాటు సూప‌ర్ నేచుర‌ల్ అంశాల‌ను క‌ల‌గలిపి క‌థ‌ను సిద్ధం చేశాడ‌ని అంటున్నాయి సినీ వ‌ర్గాలు.