விஷால், லிங்குசாமி கூட்டணியில் உருவான 'சண்டக்கோழி திரைப்படம் மிகப்பெரிய வெற்றி பெற்ற நிலையில் 13 ஆண்டுகளுக்கு பின் இந்த படத்தின் இரண்டாம் பாகம் தற்போது உருவாகி வரும் அக்டோபர் 18ஆம் தேதி வெளியாகவுள்ளது. இந்த படத்தின் டிரைலர் சற்றுமுன் வெளியாகியுள்ளது.

`செய்றதுனா சொல்றதுல்ல;செய்றது’ என்ற வசனத்துடன் ஆரம்பிக்கும் இந்த டிரைலர் ஒரு முழுநீள ஆக்சன் படம் என்பதையே உணர்த்துகிறது.

அருவாளை பார்த்தா ஆடு பயப்படும், அய்யனார் பயப்படுவாரா?, வாடிவாசலை புடுங்கிகிட்டு வெளியில வர்ற காளை மாதிரி எப்படி நிக்குறாரு பாரு?, ஆம்பிளைங்க மட்டும்தான் அரிவாளை வீசுவாங்களா? பொம்பளைங்களும் வீசுவாங்க' திருவிழாவுல புலிவேஷம் போடலாம், ஆனால் புலிக்கு முன்னாடியே வேஷம் போடக்கூடாது, எங்க வம்சத்தோட கடைசித்துளி ரத்தம் இருக்கறவரைக்கும் நாங்க நிப்போம்' போன்ற வசனங்கள் இயக்குனர் லிங்குசாமி மீண்டும் டிரெண்டுக்கு வந்துவிட்டார் என்பதை காண்பிக்கின்றது.

முதல் பாக மீரா ஜாஸ்மினை ஞாபகப்படுத்தும் கீர்த்தி சுரேஷ், 'திமிரு' ஸ்ரேயாரெட்டியை ஞாபகப்படுத்தும் வரலட்சுமி, முதல் பாகத்தில் பார்த்த அதே கம்பீரத்தில் ராஜ்கிரண் மற்றும் அனல் அரசுவின் அட்டகாசமான ஸ்டண்ட் காட்சிகள், யுவனின் பாடல்கள் மற்றும் அருமையான பின்னணி இசை ஆகியவை இந்த படத்தின் பாசிட்டிவ் ஆக இருக்கும் என இந்த டிரைலரில் இருந்து தெரியவருகிறது.