நடிகர் விஷால் தயாரிப்பாளர் சங்கத்தின் பணிகள், நடிகர் சங்கத்தின் பணிகளுக்கு இடையே 'துப்பறிவாளன்' மற்றும் 'இரும்புத்திரை' ஆகிய படங்களில் நடித்து வருகிறார். மேலும் இயக்குனர் லிங்குசாமியின் இயகத்தில் 'சண்டக்கோழி 2' படத்திலும் அவர் நடிக்கவுள்ளார்.

இந்த நிலையில் 'சண்டக்கோழி 2' படத்தின் ஆரம்பகட்ட பணிகள் கடந்த சில மாதங்களாக நடந்து வந்த நிலையில் வரும் ஆகஸ்ட் 31ஆம் தேதி முதல் இந்த படத்தின் படப்பிடிப்பு தொடங்கவுள்ளதாக செய்திகள் வெளிவந்துள்ளது.

இந்த படத்திற்காக பிரமாண்டமான செட் தயாராக இருப்பதாகவும், இதில் 40 நாட்கள் படப்பிடிப்பை நடத்த இயக்குனர் லிங்குசாமி திட்டமிட்டுள்ளதாகவும் படக்குழுவினர்களிடம் இருந்து தகவல்கள் வெளிவந்துள்ளது.

விஷால் பிலிம் பேக்டரி நிறுவனம் தயாரிக்கவுள்ள இந்த படத்தின் நாயகியாக கீர்த்திசுரேஷ் நடிக்கவுள்ளார். மேலும் முதல் பாகத்தில் நடித்த மீரா ஜாஸ்மின் மற்றும் ராஜ்கிரன் ஆகியோர்களும் இந்த படத்தில் நடிக்கவுள்ளனர். டி.இமான் இந்த படத்திற்கு இசையமைக்கவுள்ளார் என்பது குறிப்பிடத்தக்கது.