சந்தானம் நடிக்கும் 'தில்லுக்கு துட்டு' டீசர் ரிலீஸ் தேதி
- IndiaGlitz, [Wednesday,May 18 2016]
'இனிமே இப்படித்தான்' பட வெற்றிக்கு பின்னர் முழுநேர ஹீரோவாக மாறிவிட்ட நடிகர் சந்தானம், ஹீரோவாக நடித்துள்ள அடுத்த படம் 'தில்லுக்கு துட்டு'. இந்த படத்தின் படப்பிடிப்புகள் முடிவடைந்து போஸ்ட் புரடொக்ஷன்ஸ் பணிகள் நடைபெற்று வரும் நிலையில் இந்த படத்தின் டீசர் ரிலீஸ் தேதி குறித்த தகவல்கள் வெளிவந்துள்ளது.
இந்த படத்தின் டீசர் மே 19ஆம் தேதி அதாவது நாளை இணையதளங்களில் வெளியாகவுள்ளது. தமிழக சட்டமன்ற தேர்தல் முடிவுகள் நாளை வெளியாகவுள்ள நிலையில் இந்த படத்தின் டீசரும் வெளியாகிறது என்பது குறிப்பிடத்தக்கது.
சந்தானம், ஷனன்யா, சவுரப் சுக்லா, ஆனந்த்ராஜ், கருணாஸ் உள்ளிட்ட பலர் நடித்துள்ள இந்த படத்திற்கு எஸ்.தமன் இசையமைத்துள்ளார். லொள்ளுசபா' ராம்பாலா இயக்கியுள்ள இந்த படத்தை ஸ்ரீதேனாண்டாள் பிலிம்ஸ் நிறுவனம் தயாரித்து வருகிறது.