சமுத்திரக்கனியின் 'தொண்டன்' தொடங்குவது எப்போது?
- IndiaGlitz, [Friday,December 09 2016]
பிரபல இயக்குனர் சமுத்திரக்கனி நடித்து, தயாரித்து, இயக்கிய 'அப்பா' திரைப்படம் மிகப்பெரிய வரவேற்பை பெற்ற நிலையில் அடுத்ததாக அவர் 'தொண்டன்' என்ற படத்தில் நடிக்கவுள்ளார் என்பதை ஏற்கனவே பார்த்தோம்.
இந்த படத்தை வசுந்தராதேவி சினிபிலிம்ஸ், நாடோடிகள் பிலிம்ஸ் நிறுவனத்துடன் இணைந்து தயாரிக்கின்றது. 'அச்சம் என்பது மடமையடா', 'கிடாரி', 'பலே வெள்ளைத்தேவா' போன்ற படங்களை வெளியிட்ட வசுந்தரா சினிபிலிம்ஸ் முதன்முறையாக தயாரிக்கும் படம் 'தொண்டன்'
சமுத்திரக்கனி முக்கிய வேடத்தில் நடிக்கும் இந்த படத்தில் விக்ராந்த், நமோ நாராயணன், தம்பி ராமையா, சூரி, கஞ்சா கருப்பு, உள்பட பலர் நடிக்கவுள்ளனர்.
வரும் 16ஆம் தேதி முதல் நெய்வேலியில் இந்த படத்தின் படப்பிடிப்பு துவங்கவுள்ளது. சமுத்திரகனி நடிப்பது மட்டுமின்றி கதை, திரைக்கதை, வசனம் எழுதி இந்த படத்தை இயக்குகிறார். இந்த படத்திற்கு ஜஸ்டின் பிரபாகரன் இசையமைக்கவுள்ளார்.