நாளை முதல் 'விஐபி' டீமில் இணையும் 'தொண்டன்' சமுத்திரக்கனி
- IndiaGlitz, [Tuesday,January 03 2017]
சமுத்திரக்கனி தயாரித்து இயக்கி நடித்த 'அப்பா' திரைப்படம் மாபெரும் வெற்றி பெற்றதை அடுத்து தற்போது அவர் 'தொண்டன்' என்ற படத்தை இயக்கி நடித்து வருகிறார். இந்த படத்தின் முதல்கட்ட படப்பிடிப்பு தற்போது முடிந்துள்ளது. இந்த படத்தின் அடுத்தகட்ட படப்பிடிப்பு விரைவில் தொடங்கவுள்ளது.
இந்நிலையில் நாளை முதல் தனுஷ் நடிப்பில் செளந்தர்யா ரஜினிகாந்த் இயக்கும் 'வேலையில்லா பட்டதாரி 2' படத்தில் சமுத்திரக்கனி இணையவுள்ளார். இந்த தகவலை அவர் தனது சமூக வலைத்தளத்தில் உறுதி செய்துள்ளார்.
'விஐபி' முதல் பாகத்தில் தனுஷின் தந்தையாக சமுத்திரக்கனி நடித்திருந்த இரண்டாவது பாகத்திலும் அதே கேரக்டரை தொடர்வார் என்று எதிர்பார்க்கப்படுகிறது.
தனுஷ், அமலாபால், கஜோல் உள்பட பலர் நடிக்கும் இந்த படத்தை கலைப்புலி எஸ்.தாணுவின் வி.கிரியேஷன்ஸ் மற்றும் தனுஷின் வொண்டர்பார் பிலிம்ஸ் நிறுவனங்கள் தயாரிக்ககின்றன. சீன்ரோல்டன் இசையமைக்கும் இந்த படம் தமிழ், தெலுங்கு என இரண்டு மொழிகளிலும் உருவாகவுள்ளது.