'அப்பா'வுக்காக சலுகைக்கட்டணம் வாங்கித்தந்த தலைமை ஆசிரியர்
- IndiaGlitz, [Tuesday,July 12 2016]
சமுத்திரக்கனி இயக்கி, தயாரித்து நடித்த 'அப்பா' திரைப்படம் சமீபத்தில் வெளியாகி மாபெரும் வரவேற்பை பெற்றது. ஒவ்வொரு அப்பாவும் கண்டிப்பாக இந்த படத்தை பார்க்க வேண்டும் என்று அனைத்து விமர்சனங்களும் பாராட்டியுள்ளது.
இந்நிலையில் கோபிப்பாளையம் தூய திரேசாள் பள்ளியின் தலைமை ஆசிரியர் தங்கள் பள்ளி மாணவர்களின் பெற்றோர்களுக்கு ஒரு வேண்டுகோள் சுற்றறிக்கையை விடுத்துள்ளார்.
அந்த ஊரில் உள்ள ஸ்ரீவள்ளி திரையரங்கில் 'அப்பா' படம் ஓடுவதாகவும், ஒவ்வொரு அப்பாவும் கண்டிப்பாக பார்க்க வேண்டிய இந்த படத்திற்காக திரையரங்கு நிர்வாகிகளிடம் பேசி சலுகைக்கட்டணம் பெற்றுள்ளதாகவும் இந்த சலுகையை பயன்படுத்தி ஒவ்வொரு அப்பாவும் இந்த படத்தை பார்க்க வேண்டும் என்றும் அந்த சுற்றறிக்கையில் கேட்டுக்கொண்டுள்ளார்.
ஒரு திரைப்படத்திற்கு இதைவிட வேறு கெளரவம் வேண்டுமா? இதுவரை இந்த படத்தை பார்க்காத அப்பாக்கள் இருந்தால் கண்டிப்பாக போய் பாருங்கள்..