தனுஷின் அடுத்த பட ரிலீஸ் தேதி அறிவிப்பு
- IndiaGlitz, [Thursday,June 02 2016]
தனுஷ் தற்போது 'தொடரி' மற்றும் 'கொடி' ஆகிய இரண்டு படங்களில் நடித்து முடித்துவிட்டு 'எனை நோக்கி பாயும் தோட்டா' என்ற படத்தில் நடித்து வருகிறார். 'தொடரி' மற்றும் 'கொடி' படங்களின் ரிலீஸ் தேதி விரைவில் அறிவிக்கப்படவுள்ள நிலையில் தனுஷ் தயாரித்துள்ள 'அம்மா கணக்கு' என்ற படத்தின் ரிலீஸ் தேதி குறித்த தகவல் தற்போது வெளிவந்துள்ளது.
சமுத்திரக்கனி, அமலாபால், ரேவதி மற்றும் சிறப்பு தோற்றத்தில் தனுஷ் நடித்துள்ள இந்த படத்தை அஸ்வினி ஐயர் இயக்கியுள்ளார். இசைஞானி இளையராஜா இசையமைத்துள்ள இந்த படம் ஜூன் 17ஆம் தேதி ரிலீஸ் ஆகும் என்ற தகவல் வெளிவந்துள்ளது.
தனுஷின் வொண்டர்பார் பிலிம்ஸ் நிறுவனம் தயாரித்துள்ள இந்த படம் 'Nil Battey Sannata' என்ற இந்தி படத்தின் ரீமேக் என்பது குறிப்பிடத்தக்கது.