இன்று முதல் சமுத்திரக்கனியின் 'ஆண் தேவதை' ஆரம்பம்
- IndiaGlitz, [Wednesday,October 05 2016]
சமுத்திரக்கனி இயக்கி, தயாரித்து, நடித்த 'அப்பா' திரைப்படம் சமீபத்தில் வெளியாகி சூப்பர் ஹிட் ஆகிய நிலையில் அவருடைய அடுத்த படத்தின் டைட்டில் 'ஆண் தேவதை' என்றும் இந்த படத்தை 'ரெட்டைச்சுழி' இயக்குனர் தாமிரா இயக்கவுள்ளதையும் ஏற்கனவே பார்த்தோம்.
இந்நிலையில் இந்த படத்தின் பூஜை இன்று சென்னையில் நடைபெற்றது. இதனையடுத்து படப்பிடிப்பும் இன்று முதல் தொடங்கவுள்ளதாக செய்திகள் வெளிவந்துள்ளது.
'ஜோக்கர்' நாயகி ரம்யாபாண்டியன் நாயகியாக நடிக்கவுள்ள இந்த படத்தில் கவின், கஸ்தூரி ஆகியோர் முக்கிய வேடங்களில் நடிக்கவுள்ளனர். ஜிப்ரான் இசையமைக்கும் இந்த படத்திற்கு விஜய்மில்டன் ஒளிப்பதிவு செய்யவுள்ளார். உலகமயமாக்கல், கணவன் - மனைவி உறவு, நவீன உலகில் குழந்தைகள் வளரும் விதம் ஆகிய சமூக கருத்துக்கள் அடங்கியுள்ள படம்தான் 'ஆண் தேவதை' என்று கூறப்படுகிறது.