பார்த்திபனின் இரண்டாம் பாக படத்தில் பிரபல நடிகர்
- IndiaGlitz, [Tuesday,February 27 2018]
நடிகர் இயக்குனர் பார்த்திபன் இயக்கி நடித்த 'உள்ளே வெளியே' படம் கடந்த 1993ஆம் ஆண்டு வெளியாகி சூப்பர் ஹிட் வெற்றி பெற்றது. இந்த நிலையில் 25 ஆண்டுகள் கழித்து இந்த படத்தின் இரண்டாம் பாகத்தை இயக்க பார்த்திபன் முடிவு செய்துள்ளார்.
இந்த படத்தில் பார்த்திபன் ஒரு முக்கிய வேடத்தில் நடிக்க அவருடன் ஆடுகளம் கிஷோர், ரோபோசங்கர், மம்தா மோகந்தாஸ், எம்.எஸ்.பாஸ்கர் உள்ளிட்டோர் நடிக்கவுள்ளனர். இந்த நிலையில் இந்த படத்தின் இன்னொரு முக்கிய கேரக்டரில் சமுத்திரக்கனி நடிக்கவுள்ளதாக கூறப்படுகிறது இந்த தகவலை பார்த்திபனும் உறுதி செய்துள்ளார்.
ஏற்கனவே சூர்யாவின் 'மாஸ்' படத்தில் பார்த்திபனும் சமுத்திரக்கனியும் இணைந்து நடித்துள்ளனர். ஆனால் பார்த்திபனின் இயக்கத்தில் சமுத்திரக்கனி நடிப்பது இதுவே முதல்முறை என்பது குறிப்பிடத்தக்கது.