சமுத்திரக்கனியின் அடுத்த படத்தின் டைட்டில் மற்றும் நாயகி
Saturday, September 17, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
சமுத்திரக்கனி நடித்து தயாரித்து இயக்கிய 'அப்பா' திரைப்படம் சமீபத்தில் வெளிவந்து மாபெரும் வெற்றி பெற்றதோடு 100வது நாளை நோக்கி வெற்றிநடை போட்டு வருகிறது. இந்த படத்தின் வெற்றியால் மிகுந்த உற்சாகமாகியுள்ள சமுத்திரக்கனி தற்போது 'கொளஞ்சி' 'சட்டம்' உள்பட ஒருசில படங்களில் நடித்து வருகிறார்
இந்நிலையில் சமுத்திரக்கனியின் புதிய படம் குறித்த தகவல் ஒன்று தற்போது வெளியாகியுள்ளது. இயக்குனர் தாமிரா, சமுத்திரக்கனி நடிக்கும் அடுத்த படத்தை இயக்கவுள்ளார்,. இவர் ஏற்கனவே பாலசந்தர், பாரதிராஜா நடிப்பில் ஷங்கர் தயாரித்த 'ரெட்டைச்சுழி' படத்தை இயக்கியவர் என்பது குறிப்பிடத்தக்கது.
சமுத்திரக்கனி-தாமிரா இணையும் படத்திற்கு 'ஆண் தேவதை' என்ற டைட்டில் வைக்கப்பட்டுள்ளது. டைட்டிலே வித்தியாசமாக இருக்கின்றது என்பதால் இந்த படத்திற்கு இப்போதே பெரும் எதிர்பார்ப்பு ஏற்பட்டுள்ள்து. இந்த படத்தில் 'ஜோக்கர்' படத்தில் நடித்த ரம்யாபாண்டியன் நாயகியாக நடிக்கவுள்ளார் என்பது குறிப்பிடத்தக்கது.
முழுக்க முழுக்க சென்னை பின்னணிய்ல் உருவாகும் இந்த படத்திற்கு விஜய் மில்டன் ஒளிப்பதிவு செய்கிறார். ஜிப்ரான் இந்த படத்திற்கு இசையமைக்கின்றார்.
ஒரு தாயிடம் வளரும் குழந்தைக்கும் தந்தையிடம் வளரும் குழந்தைக்கும் என்ன வேறுபாடு? இன்று நிலவும் பொருளாதார சூழலும், கடன் வாங்கும் மனப்பான்மையும் மனிதர்களை எந்த எல்லைக்கு அழைத்துச் செல்கிறது என்பதையும் உணரவைக்கும் படமாக இந்த படம் இருக்கும் என படக்குழுவினர் தெரிவித்துள்ளனர்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments