கடந்த 2012ஆம் ஆண்டு சமுத்திரக்கனி நடிப்பில் வெளிவந்த 'சாட்டை' என்ற சமூக அக்கறை அம்சங்கள் நிறைந்த திரைப்படம் நல்ல வரவேற்பினை பெற்றதை அடுத்து தற்போது அந்த படத்தின் இரண்டாம் பாகமான 'அப்பா' என்ற திரைப்படம் தயாரிக்கப்பட்டு வருகிறது.

சமுத்திரக்கனி முக்கிய வேடத்தில் நடிப்பதோடு அவரே சொந்தமாக தயாரித்து இயக்கியும் வருகிறார். முதல் பாகத்தில் நடித்த தம்பி ராமையாவும் இந்த படத்தில் முக்கிய வேடத்தில் நடித்து வருகிறார். இசைஞானி இளையராஜா இசையமைக்கும் இந்த படத்தின் படப்பிடிப்பு விறுவிறுப்பாக நடைபெற்று வருகிறது.

இந்நிலையில் இந்த படத்தை 12 இந்திய மொழிகளில் ரீமேக் செய்ய சமுத்திரக்கனி திட்டமிட்டுள்ளதாக செய்திகள் வெளிவந்துள்ளது. மலையாளத்தில் மம்முட்டி, தெலுங்கில் வெங்கடேஷ், கன்னடத்தில் புனித் ராஜ்குமார் என அந்தந்த மொழிகளில் பிரபலமான நடிகர்களை கொண்டு இந்த திரைப்படத்தை ரீமேக் செய்ய அவர் திட்டமிட்டுள்ளதாக தெரிகிறது.