சமுத்திரகனியுடன் நடிகை மீரா ஜாஸ்மின் நடித்த ‘விமானம்’ என்ற திரைப்படத்தின் அறிவிப்பு சமீபத்தில் வெளியான என்பதும் இந்த படத்தின் படப்பிடிப்பு கலந்து சில வாரங்களாக நடைபெற்று வருகிறது என்பதை பார்த்தோம். இந்நிலையில் ‘விமானம்’ படத்தின் புரமோ வீடியோ தற்போது வெளியாகியுள்ள நிலையில் அந்த வீடியோவில் இருக்கும் காட்சிகள் ரசிகர்களை கவரும் வகையில் உள்ளது.

விமானத்தில் பறக்க வேண்டும் என்ற ஆசையுடன் இருக்கும் தனது மகனிடம் ‘நன்றாக படித்தால் நீயும் விமானத்தில் செல்லலாம் என்று சமுத்திரக்கனி கூறும் வசனத்தில் இருந்து ஒரு சிறுவன் தனது விமானி என்ற கனவை எப்படி நிறைவேற்றுகிறார் என்பதுதான் இந்த படத்தின் கதை என்பது தெரிய வருகிறது.

சமுத்திரகனி, மாஸ்டர் துருவன், மீரா ஜாஸ்மின் அனுசுயா பரத் ராஜ், ராகுல், ராமகிருஷ்ணா, தன்ராஜ் உள்பட பலர் நடிப்பில் உருவாகிய இந்த படத்தை சிவ பிரசாத் என்பவர் இயக்கியுள்ளார். சரண் அர்ஜுன் இசையில், விவேக் ஒளிப்பதிவில், வெங்கடேஷ் படத்தொகுப்பில் இந்த படம் உருவாகியுள்ளது. இந்த படம் விரைவில் திரையரங்கில் வெளியாக உள்ளது என்பது குறிப்பிடத்தக்கது.