நடிகர், இயக்குனர் சமுத்திரகனி தற்போது ஒரே நேரத்தில் சுமார் எட்டு படங்களுக்கு மேல் நடித்து வருகிறார். அவற்றில் 'காப்பான், கென்னடி கிளப், அடுத்த சாட்டை ஆகிய படங்கள் விரைவில் வெளியாக உள்ளது. இந்த நிலையில் சமுத்திரகனி நடித்து முடித்துள்ள 'சில்லுக்கருப்பட்டி' என்ற படத்தின் சென்சார் தகவல் தற்போது வெளியாகியுள்ளது.

சில்லுக்கருப்பட்டி படத்திற்கு சென்சார் அதிகாரிகள் 'யு' சான்றிதழ் அளித்துள்ளனர். இதனை அடுத்து விரைவில் இந்த படத்தின் ரிலீஸ் தேதி அதிகாரபூர்வமாக அறிவிக்கப்படும் என தெரிகிறது. இந்த படத்தின் டீசரை சமீபத்தில் மக்கள் செல்வன் விஜய்சேதுபதி மற்றும் ஆர்யா இணைந்து வெளியிட்டுள்ளனர். வசனமே இல்லாம டீசர் அவ்ளோ பேசுது... காதல் அன்பு கருணை பொங்கி வழியுது. இந்த சில்லுகருப்பட்டியில் வாழ்த்துகள் இயக்குனர் ஹலிதா' என்று விஜய்சேதுபதி தனது சமூக வலைத்தள பக்கத்தில் வாழ்த்து தெரிவித்திருந்தார் என்பதை ஏற்கனவே பார்த்தோம்.

ஹலிதா ஷமீம் இயக்கத்தில் உருவாகியுள்ள இந்த படத்தில் சமுத்திரக்கனி, சுனைனா, லீலா சாம்சன், சாரா அர்ஜூன், மணிகண்டன் உள்ளிட்ட பலர் நடித்துள்ளனர். இந்த படத்திற்கு பிரதீப் குமார் இசையமைத்துள்ளார்.