நடிகர் இயக்குனர் சமுத்திரக்கனி நடித்து வரும் ‘ராமம் ராகவம்’ என்ற படத்தின் படப்பிடிப்பு கடந்த சில வாரங்களாக நடைபெற்று வரும் நிலையில் இந்த படத்தின் கிளிம்ப்ஸ் வீடியோ வெளியாகி இணையத்தில் வைரல் ஆகி வருகிறது.

தமிழ், தெலுங்கு ஆகிய இரு மொழிகளில் உருவாகி வரும் இந்த படத்தை தன்ராஜ் இயக்கி வருவது மட்டுமின்றி சமுத்திரக்கனிக்கு மகனாகவும் அவர் இந்த படத்தில் நடித்துள்ளார். மேலும் இந்த படத்தில் ஹரிஷ் உத்தமன், சுனி, சத்யா, மோக்‌ஷா, பிரமோதினி, ஸ்ரீநிவாஸ்ரேட்டி உள்ளிட்ட பல நடித்துள்ளனர்.

இந்த படத்தின் கிளிம்ப்ஸ் வீடியோவில் ஒரு தந்தை மகனுக்கு இருக்கும் பாசப்பிணைப்பை காட்டும் காட்சிகள் உள்ளன. மேலும் இந்த வீடியோவின் இறுதியில் ’என் காதல் ஆரம்பமானது உன்னால் தான், காதலர் தின வாழ்த்துக்கள்’ என்று சமுத்திரக்கனி பேசும் வசனமும் உள்ளது.

தமிழ் தெலுங்கு ஆகிய இரு மொழிகளில் உருவாகி வரும் இந்த படத்தின் படத்தின் படப்பிடிப்பு ஹைதராபாத், சென்னை உள்ளிட்ட பகுதிகளில் நடைபெற்று வருகிறது.