இன்று முதல் சமுத்திரக்கனியின் ஜிஎஸ்டி இல்லாத பெட்டிக்கடை
- IndiaGlitz, [Friday,February 08 2019]
நடிகர் சமுத்திரக்கனி குணசித்திர மற்றும் வில்லன் கேரக்டர்களில் தமிழ் சினிமாவில் வலம் வந்து கொண்டிருக்கும் நிலையில் அவர் முக்கிய வேடத்தில் நடித்து வரும் திரைப்படமான 'பெட்டிக்கடை' என்ற படத்தின் டிரைலர் இன்று மாலை 6 மணிக்கு வெளியாகவுள்ளதாக அறிவிக்கப்பட்டுள்ளது.
இந்த படத்தின் டைட்டிலான 'பெட்டிக்கடை'க்கு கீழே 'ஜிஎஸ்டி இல்லாத' என்ற வார்த்தை படத்தின் எதிர்பார்ப்பை அதிகரித்துள்ளது. இசக்கி கார்வண்ணன் இயக்கத்தில் உருவாகியுள்ள இந்த படத்தில் சமுத்திரக்கனி, வீரா, வர்ஷா, சாந்தினி, சுந்தர் உள்பட பலர் நடித்துள்ளனர். மரியா மனோகர் இசையில் உருவாகிய இந்த படத்தில் இடம்பெற்ற 'சுடலைமாட சாமிகிட்ட' என்ற பாடல் சமீபத்தில் வெளியாகி ஹிட்டாகியது என்பது குறிப்பிடத்தக்கது.
பெட்டிக்கடைகள் என்பது நமது நாட்டில் குறிப்பாக கிராமப்புரத்தில் இன்றியமையாத ஒன்றாக இருந்தது. ஆனால் சூப்பர் மார்க்கெட் மற்றும் ஆன்லைன் வர்த்தகம் ஆரம்பித்த பின்னர் பெட்டிக்கடைகளின் நிலை என்ன ஆனது? என்பதுதான் இந்த படத்தின் கதை