சூர்யாவுடன் சமுத்திரக்கனி நடித்த ’காப்பான்’’ திரைப்படம் வரும் 20ஆம் தேதி பிரம்மாண்டமாக வெளியாகவிருக்கும் நிலையில் சமுத்திரக்கனியின் அடுத்த படமான ’அடுத்த சாட்டை’ என்ற திரைப்படமும் ரிலீசுக்கு தயாராகி உள்ளது

இந்த படத்தை சமீபத்தில் பார்த்த சென்சார் அதிகாரிகள் படத்திற்கு ’யு’ சான்றிதழ் அளித்துள்ளனர். மேலும் இந்த படம் 127 நிமிடங்கள் மட்டுமே அதாவது 2 மணிநேரம் 7 நிமிடங்கள் ஓடும் வகையில் ரன்னிங் டைம் கொண்டுள்ளது. இந்த படத்தின் சென்சார் பணிகள் முடிந்துவிட்டதால் மிக விரைவில் அதிகாரபூர்வ ரிலீஸ் தேதி அறிவிக்கப்படவுள்ளது.

சாட்டை படத்தை இயக்கிய அன்பழகன் இயக்கியிருக்கும் இந்தப் படத்தில் சமுத்திரக்கனி, தம்பி ராமையா, சசிகுமார், அதுல்யா ரவி, ஜூனியர் பாலையா உள்பட பலர் நடித்துள்ளனர் . ஜஸ்டீன் பிரபாகரன் இசை அமைத்த இந்த படத்திற்கு ராசாமதி என்பவர் ஒளிப்பதிவும் நிர்மல் என்பவர் படத்தொகுப்பும் செய்துள்ளனர் சமுத்திரக்கனியும் அவரது நண்பர் பிரபுதிலக் என்பவரும் இந்த படத்தை தயாரித்துள்ளனர்.

சமுத்திரக்கனி தற்போது ‘ஏலே’, ‘வெள்ளை யானை’, ‘ஆர்.ஆர்.ஆர்.’, ‘இந்தியன் 2’, ‘சங்கத்தலைவன்’ போன்ற படங்களில் நடித்து வருகிறார் என்பது குறிப்பிடத்தக்கது