எஸ்.எஸ்.ராஜமெளலியின் பிரமாண்ட படத்தில் சமுத்திரக்கனி
- IndiaGlitz, [Thursday,December 20 2018]
'பாகுபலி', 'பாகுபலி 2' ஆகிய இரண்டு படங்களின் வெற்றி தென்னிந்திய திரையுலகை உலகமே வியந்து பார்க்கும் வகையில் அமைந்தது. இயக்குனர் எஸ்.எஸ்.ராஜமெளலியின் பெயர் ஹாலிவுட்டில் கூட பரபரப்பாக பேச வைத்த படங்கள் இந்த இரண்டு படங்கள் என்பது குறிப்பிடத்தக்கது.
இந்த நிலையில் பாகுபலி படங்களுக்கு இணையாக தற்போது அவர் இயக்கி வரும் திரைப்படம் 'ஆர்.ஆர்.ஆர். ராம்சரண் தேஜா மற்றும் ஜூனியர் என்.டி.ஆர் நடித்து வரும் இந்த படத்தின் படப்பிடிப்பு சமீபத்தில் தொடங்கி விறுவிறுப்பாக நடந்து வருகிறது.
இந்த நிலையில் இந்த படத்தின் முக்கிய கேரக்டர் ஒன்றில் நடிக்க நடிகரும் இயக்குனருமான சமுத்திரக்கனி ஒப்பந்தமாகியுள்ளதாக தகவல்கள் வெளிவந்துள்ளது. 'பாகுபலி' படங்களுக்கு ஒரு கட்டப்பா போல் 'ஆர்.ஆர்.ஆர்.' படத்தில் சமுத்திரக்கனியின் கேரக்டர் இருக்கும் என எதிர்பார்க்கப்படுகிறது.