தனுஷ் நடிப்பில் வெற்றிமாறன் இயக்கிய 'வடசென்னை' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வருகிறது. இந்த நிலையில் இந்த படத்தில் முக்கிய வேடத்தில் நடித்துள்ள சமுத்திரக்கனியின் கேரக்டர் குறித்த தகவலை சற்றுமுன் நடிகர் தனுஷ் தனது சமூக வலைத்தளத்தில் வெளியிட்டுள்ளார்.

சமுத்திரக்கனி இந்த படத்தில் 'குணா' என்ற கேரக்டரில் நடித்துள்ளதாக தனுஷ் கூறியதோடு சமுத்திரக்கனியின் ஃபர்ஸ்ட்லுக்கையும் அவர் வெளியிட்டுள்ளார். அதில் கன்னத்தில் அலகு குத்தி சாமி வந்தவராக சமுத்திரக்கனி ஆக்ரோஷமாக தோற்றமளிக்கின்றார். இந்த கேரக்டர் சமுத்திரக்கனிக்கு நிச்சயம் ஒரு வித்தியாசமான அனுபவத்தை தந்திருக்கும் என்பது உறுதி

தனுஷ், ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி, கிஷோர், உள்பட பலர் நடித்துள்ள 'வடசென்னை' படத்திற்கு சந்தோஷ் நாராயணன் இசையமைத்துள்ளார். வேல்ராஜ் ஒளிப்பதிவில், ஜிபி வெங்கடேஷ் படத்தொகுப்பில் உருவாகியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது.