సంపూర్ణేష్ బాబు, సలోని టక్కరి దొంగ..చక్కని చుక్క
- IndiaGlitz, [Saturday,June 30 2018]
గతంలో అలీ కథానాయకుడిగా అల్లరి పెళ్లికొడుకు చిత్రాన్ని రూపొందించిన దర్శకుడు జె.జె.ప్రకాష్ రావు, నిర్మాత ఎం.రాజ్ కుమార్ కలయికలో తాజాగా మరో చిత్రానికి సన్నాహాలు జరుగుతున్నాయి. టక్కరి దొంగ..చక్కనిచుక్క పేరుతో ఆర్.కె. ఫిలిం ఫ్యాక్టరీస్ పతాకంపై జె.జె.ప్రకాష్ రావు దర్శకత్వంలో నిర్మించబోయే ఈ నూతన చిత్రంలో ప్రముఖ కథానాయకుడు సంపూర్ణేష్ బాబు, ప్రముఖ కథానాయిక సలోని నాయకానాయికలుగా నటించనున్నట్లు నిర్మాత ఎం.రాజ్ కుమార్ తెలిపారు.
జులై రెండోవారంలో షూటింగ్ ప్రారంభమవుతుందని ఆయన చెప్పారు. దర్శకుడు జె.జె.ప్రకాష్ రావు మాట్లాడుతూ, లవ్, కామెడీ ఎంటర్ టైనర్ కథాంశంతో ఈ చిత్రాన్ని తెరకెక్కించనున్నామని, స్క్రిప్టు ఛాలాబాగా వచ్చిందని, ఇందులో నాలుగు ఫైట్లు, ఆరు పాటలు ఉంటాయని తెలిపారు.
ఈ చిత్రానికి మాటలు-మరుదూరి రాజా, పాటలు-చంద్రబోస్, సంగీతం-వందమాతరం శ్రీనివాస్, కెమెరా-పైడాల శ్రీనివాస్, ఎడిటింగ్-గౌతంరాజు, కళ-బాబా, రచనా సహకారం-కాంచనపల్లి, నిర్మాత-ఎం.రాజ్ కుమార్, కథ, స్క్రీన్ ప్లే, దర్శకత్వం-జె.జె.ప్రకాష్ రావు.