కొన్ని సాంగ్స్ వినగానే ఎక్కడో విన్న ఫీలింగ్ కలుగుతుంది. మ్యూజిక్ విన్నా కూడా అదే ఫీలింగ్ కలుగుతుంది. అయితే నెటిజన్లు బై మిస్టేక్ కాపీ కొట్టినా వెంటనే పట్టేస్తున్నారు. ఎక్కడి నుంచి ఆ మ్యూజిక్‌ను కాపీ చేస్తున్నారో సోర్స్‌తో సహా సోషల్ మీడియాలో పెట్టి రచ్చ రచ్చ చేస్తున్నారు. దీంతో కాపీ కొట్టాలంటనే మ్యూజిక్ డైరెక్టర్లకు వెన్నులో వణకు పుడుతోంది. తాజాగా ఓ యాడ్‌ని కాపీ కొట్టి మరో యాడ్ మేకర్స్ అడ్డంగా దొరికిపోయారు.

తాజ్‌మహల్ టీపొడి యాడ్ గుర్తుండే ఉంటుంది. ఈ యాడ్‌ను ఈ మధ్య సరికొత్తగా డిజైన్ చేసి ట్రైలర్‌ను వదిలారు. ట్రైలర్ చూసిన వారెవరికైనా ఈ ట్రాక్ ఎక్కడో విన్నట్టు ఉందే అనిపించక మానకు. సెర్చ్ చేస్తే.. సేమ్ ట్రాక్.. సేమ్ కాన్సెప్ట్.. సేమ్ ఫీల్.. టీ ప్లేస్‌లో ఆయిల్ మసాజ్ వచ్చింది. అంతే కాపీ క్యాట్‌లు యాడ్స్‌లో కూడా తయారయ్యారా? అంటూ నెటిజన్లు ముక్కున వేలేసుకుంటున్నారు. ఈ రెండింటినీ కలిపి ఓ వీడియో చేసి దానిని సోషల్ మీడియాలో వదిలారు. ఇప్పుడిది తెగ వైరల్ అవుతోంది.