மொட்டை ராஜேந்திரனுக்கு ஜோடியாகும் 'சமையல் மந்திர' நடிகை
- IndiaGlitz, [Friday,June 23 2017]
தனியார் தொலைக்காட்சி ஒன்றில் 'சமையல் மந்திரம்' என்ற நிகழ்ச்சியை தொகுத்து வழங்கிய திவ்யாவை தெரியாத இளைஞர்கள் இருக்க முடியாது. இளசுகளை சுண்டி இழுக்கும் வகையில் அந்த நிகழ்ச்சியை நடத்திய திவ்யா தற்போது சீர்யல்கள் மற்றும் சினிமாவிலும் கால்பதித்துள்ளார்.
பிரபுதேவா நடிப்பில் கல்யாண் இயக்கத்தில் உருவாகி வரும் 'குலேபகாவலி' என்ற படத்தில் மொட்டை ராஜேந்திரனுக்கு மனைவியாக நடித்து வருகிறாராம். அதுமட்டுமின்றி மேலும் சில படங்களில் நடிக்க பேச்சுவார்த்தை நடத்தி வருகிறார்.
தொலைக்காட்சி சீரியல்கள் மற்றும் திரைப்படங்களில் நடித்து பிசியாக இருந்தாலும் சமூக சேவை செய்வதிலும் திவ்யாவுக்கு ஆர்வம் அதிகமாம். ஸ்ரீஆரோக்கியா ஹெல்த் & எஜுகேஷன்' என்ற அறக்கட்டளையை ஆரம்பித்துள்ள திவ்யா, இதன் மூலம் வசதியில்லாதவர்களுக்கு கல்வி உதவி, தொழில் தொடங்க உதவி என தன்னால் முடிந்த உதவிகளை அறக்கட்டளை மூலம் செய்து வருகிறார்.
மேலும் ஒரு ஏழை, கடைசி வரைக்கும் ஏழையாவே இருக்கக்கூடாது என்றும் அதை ஒழிப்பதுதான் தனது லட்சியம், எதிர்காலம் எல்லாம்' என்று கூறிய திவ்யா, பெற்றோரை இழந்த குழந்தைங்களைத் தத்தெடுத்து வளர்ப்பதற்காகவே கடினமாக உழைத்து சம்பாதித்து வருவதாக கூறியுள்ளார்.