మ‌హాన‌టి సావిత్రి జీవితం ఆధారంగా ఓ బ‌యోపిక్ తెర‌కెక్కుతున్న సంగ‌తి తెలిసిందే. 'మ‌హాన‌టి' పేరుతో రూపొందుతున్న ఈ సినిమాలో కేర‌ళ‌కుట్టి కీర్తి సురేష్ టైటిల్ పాత్ర‌లో న‌టిస్తోంది. 'ఎవ‌డే సుబ్ర‌మ‌ణ్యం' ఫేమ్ నాగ అశ్విన్ ద‌ర్శ‌క‌త్వంలో రూపొందుతున్న ఈ చిత్రాన్ని ప్ర‌ముఖ నిర్మాణ సంస్థ‌ వైజ‌యంతీ మూవీస్ సంస్థ నిర్మిస్తోంది.

ఇదిలా ఉంటే.. ఈ సినిమాలో న‌టి స‌మంత ఓ ప్ర‌త్యేక పాత్ర పోషిస్తున్న విష‌యం విదిత‌మే. సావిత్రి పాత్ర‌లో కీర్తి సురేష్ న‌టిస్తే.. ఆమె పాత్ర‌ని ప్రేక్ష‌కుల‌కు త‌న‌దైన శైలిలో నేరేట్ చేసే జ‌ర్న‌లిస్ట్ పాత్ర‌లో స‌మంత క‌నిపించ‌నుంది. కాగా, సోమ‌వారంతో త‌న షూటింగ్ పూర్త‌య్యింద‌ని స‌మంత ట్విట్ట‌ర్ ఖాతాలో చెప్పుకొచ్చింది. ఇలాంటి గొప్ప సినిమాలో తానూ భాగ‌మ‌వ‌డాన్ని గౌర‌వంగా భావిస్తున్నాన‌ని ఆమె పేర్కొంది. ఈ సంద‌ర్భంగా.. ఇలాంటి వండ‌ర్‌ఫుల్ ఎక్స్‌పీరియ‌న్స్ అందించిన 'మ‌హాన‌టి' చిత్ర బృందానికి కృతజ్ఞ‌త‌లు చెప్పుకుంది ఈ ముద్దుగుమ్మ‌. కాగా, మే 9న ఈ సినిమా ప్రేక్ష‌కుల ముందుకు రానుంది.