தளபதி விஜய் நடித்து வரும் ’லியோ’ படத்தின் தயாரிப்பாளர்களில் ஒருவர் ஜெகதீசுடன் நடிகை சமந்தா கோவிலுக்கு சென்ற புகைப்படங்களை தனது இன்ஸ்டாகிராம் பக்கத்தில் வெளியிட்டுள்ள நிலையில் அந்த புகைப்படத்திற்கு லைக் குவிந்து வருகிறது.

தளபதி விஜய் நடித்த ’லியோ’ மற்றும் ’மாஸ்டர்’ ஆகிய படங்களை படங்களின் இணை தயாரிப்பாளர் ஜெகதீஷ். இந்த நிலையில் நடிகர் சமந்தா மற்றும் ஜெகதீஷ் ஆகிய இருவரும் சாலை வழியாக வேலூர் தங்க கோவிலுக்கு சென்ற புகைப்படங்கள் சமந்தாவின் இன்ஸ்டாகிராம் பக்கத்தில் பதிவு செய்யப்பட்டுள்ளது. மேலும் ஜெகதீஷ் உடன் எடுத்த செல்பி புகைப்படத்தையும் சமந்தா பதிவு செய்துள்ளார் இந்த புகைப்படங்கள் தற்போது வைரல் ஆகி வருகிறது.

தற்காலிகமாக திரையுலகத்திற்கு விடுமுறை கொடுத்துள்ள சமந்தா தற்போது தனது மயோசிட்டிஸ் நோய்க்கு சிகிச்சை எடுத்து வருவதாகவும் அதுமட்டுமின்றி கோவில் கோவிலாக சுற்றி வருவதாகவும் கூறப்படுகிறது.

மேலும் அவர் காரில் சாலை வழியாக செல்லும் போது தமிழ் சினிமா பாடல்களை கேட்டு செல்லும் வீடியோவும் வைரலாகி வருகிறது என்பது குறிப்பிடத்தக்கது.