స‌మంత అక్కినేని పెళ్లి త‌ర్వాత సినిమాల ఎంపిక‌లో స్టైల్ మార్చింది.  వైవిధ్యమైన సినిమాల‌ను ఎంచుకుంటూ సాగిపోతుంది. `రంగ‌స్థ‌లం`, `మ‌జిలీ` వంటి చిత్రాలతో ఇమేజ్‌ను రెట్టింపు చేసుకున్న స‌మంత `యూట‌ర్న్‌`తో లేడీ ఓరియెంటెడ్ సినిమాల‌కు గ్రీన్ సిగ్న‌ల్ ఇచ్చింది. `యూట‌ర్న్` స‌మంత‌కు పెద్ద స‌క్సెస్‌ను తెచ్చిపెట్ట‌నప్ప‌టికీ  న‌టిగా మంచి పేరు తెచ్చిపెట్టింది. ఈ ఏడాది విడుద‌లైన `ఓబేబీ`తో సూప‌ర్‌డూప‌ర్ హిట్‌ను సొంతం చేసుకుంది. ఈ సినిమా త‌ర్వాత తమిళ చిత్రం `96` రీమేక్‌లో స‌మంత న‌టిస్తుంది. మ‌రో సినిమాకు మాత్రం వెంట‌నే ఓకే మాత్రం చెప్ప‌లేదు.

బ‌యోపిక్ కోసం చ‌ర్చ‌లు... రీసెంట్‌గా బాడ్మింట‌న్‌ వ‌ర‌ల్డ్ చాంపియ‌న్‌గా అవ‌త‌రించిన పి.వి.సింధు బ‌యోపిక్‌ను తెర‌కెక్కించ‌డానికి చాలా రోజుల నుండి చ‌ర్చ‌లు జ‌రుగుతున్నాయి. న‌టుడు సోనూసూద్ నిర్మాత‌గా మారి ఈ బ‌యోపిక్‌ను తెర‌కెక్కించడానికి రెడీ అయ్యారు. బ‌యోపిక్‌కి సంబంధించిన స్క్రిప్ట్ డ్రాప్ట్‌లు సిద్ధ‌మ‌వుతున్నాయి. మ‌రో ప‌క్క సింధు పాత్ర‌లో ఎవ‌రు న‌టిస్తారా? అనే దానిపై సోనూసూద్ మ‌ల్ల‌గుల్లాలు ప‌డి.. చాలా మంది బాలీవుడ్ హీరోయిన్స్‌ని క‌లుసుకున్నాడ‌ట‌. అయితే వారెవ‌రూ అంత‌గా ఆస‌క్తి చూప‌లేదు. దీంతో ఏం చేయాలా అని ఆలోచిస్తున్న త‌రుణంలో స‌మంత ఆలోచ‌న‌కు వ‌చ్చింది. ప్ర‌స్తుతం స‌మంత‌తో చ‌ర్చ‌లు జ‌రుగుతున్నాయ‌ని టాక్‌.

ప్ర‌స్తుతం తెలుగుసినిమా రేంజ్ పెరుగుతుంది. ఇలాంటి త‌రుణంలో మ‌న హీరోల‌కు, హీరోయిన్స్‌కి మంచి క్రేజ్ నెల‌కొంది. కాబ‌ట్టి స‌మంత‌తో మినిమం బ‌డ్జెట్‌లో మంచి క్వాలిటీ మూవీ చేసి దాన్ని పెద్ద రేంజ్‌లో విడుద‌ల చేయాల‌ని సోనూసూద్ అనుకుంటున్నాడ‌ట‌. అదే క‌నుక నిజ‌మైతే స‌మంత డెబ్యూ బాలీవుడ్ ప్రాజెక్ట్ కూడా ఇదే అవుతుంది. ఇప్ప‌టికే ఓ బేబీ చిత్రాన్ని బాలీవుడ్‌లో ఆలియాభ‌ట్‌తో రీమేక్ చేయ‌బోతున్న సంగ‌తి తెలిసిందే.