சமீப காலங்களில் திருமணத்திற்கும் பின்னரும் வெற்றி படங்களை கொடுத்து வரும் ஒரே நடிகை சமந்தாதான். திருமணத்திற்கு பின்னர் அவரது நடிப்பில் வெளியான 'ரங்கஸ்தலம்', 'நடிகையர் திலகம்' மற்றும் 'இரும்புத்திரை' ஆகிய மூன்று படங்களும் வெற்றி பெற்றன. அதேபோல் அடுத்த மாதம் வெளியாகவுள்ள 'சீமராஜா' மற்றும் 'யூடர்ன்' ஆகிய படங்களுக்கும் நல்ல எதிர்பார்ப்பு உள்ளது.

இந்த நிலையில் நடிகை சமந்தா, பிரபல பாடகி சின்மயிக்கு நன்றி தெரிவித்து வீடியோ ஒன்றை வெளியிட்டுள்ளார். அவர் வெளியிட்டுள்ள வீடியோவில் சமந்தா ஒரு பெட்டியை திறக்கின்றார். அந்த பெட்டியில் சமந்தாவின் ஸ்கின்னை பாதுகாக்கும் பிரத்யேக அழகு சாதன பொருட்கள் உள்ளன. இந்த அழகு சாதனங்களை சின்மயி தான் சமந்தாவுக்கு அனுப்பியுள்ளார். அதற்கு நன்றி தெரிவித்து சமந்தா இந்த வீடியோவை தனது சமூக வலைத்தளத்தில் வெளியிட்டுள்ளார்.

சமந்தாவுக்கு ஏற்கனவே ஸ்கின் பிரச்சனை கடந்த சில வருடங்களுக்கு முன் இருந்த நிலையில் அவரது ஸ்கின்னை பாதுகாக்கும் வகையில் அழகு சாதனங்களை சின்மயி அனுப்பியுள்ளார் என்பது குறிப்பிடத்தக்கது. சின்மயி ஏற்கனவே தனது சமூக வலைத்தள பக்கத்தில் பல பியூட்டி டிப்ஸ்களை வெளியிட்டு வருபவர் என்பது தெரிந்ததே.