அமெரிக்க அதிபர் டொனால்ட் டிரம்ப் மகள் இவாங்கா டிரம்ப் ஒருநாள் இந்திய பயணமாக இன்று வருகை தந்துள்ளார். இன்று தெலுங்கானா மாநிலத்தில் உள்ள ஐதராபாத்தில் நடைபெறும் உலக தொழில் முனைவோர் மாநாட்டில் அவர் கலந்து கொள்ளவுள்ளார். இந்த நிகழ்ச்சியில் பாரத பிரதமர் மோடியும் கலந்து கொள்ளவுள்ளார் என்பது குறிப்பிடத்தக்கது.

இந்த நிலையில் தெலுங்கானா மாநிலத்தின் கைத்தறி சேலைகளுக்கான அம்பாசிடராக உள்ள நடிகை சமந்தா, இன்று நடைபெறும் நிகழ்ச்சியில் இவாங்கா டிரம்புக்கு ஒரு அழகான கைத்தறி சேலையை நினைவு பரிசாக வழங்கவுள்ளாராம். இதற்காக அவரே நெசவாளர்களிடம் பிரத்யேகமான டிசைனில் உருவாகியுள்ள சேலைகளில் சிலவற்றை தேர்வு செய்து வைத்துள்ளாராம். அவற்றில் ஒன்றை இன்று சமந்தா, இவாங்காவுக்கு பரிசாக வழங்க உள்ளார்.

இவாங்கா டிரம்ப் அடிப்படையில் ஒரு ஃபேஷன் டிசைனர் என்பதால் சமந்தா தேர்வு செய்த அழகிய வேலைப்பாடுகளுடன் கூடிய கைத்தறி சேலை அவரை அசத்துமா? என்பதை பொறுத்திருந்து பார்ப்போம்