விஜய், சூர்யாவுக்கு நேர்மாறானவர் விஷால்: சமந்தா
- IndiaGlitz, [Thursday,December 28 2017]
விஷால், சமந்தா, அர்ஜூன் நடித்த 'இரும்புத்திரை' படத்தின் டீசர் வெளியீட்டு விழா நேற்று நடைபெற்றது. இந்த விழாவில் படக்குழுவினர் அனைவரும் கலந்து கொண்டனர். இந்த விழாவில் கலந்து கொண்ட சமந்தா பேசியதாவது
இயக்குனர் பி.எஸ்.மித்ரன் ஒரு அறிமுக இயக்குனர் போலவே எனக்கு தோன்றவில்லை. முதல் நாளில் இருந்தே எங்கள் அனைவருக்கும் வழிகாட்டியாக இருந்தார். மேலும் இந்த படத்தில் ஜார்ஜின் கேமிரா தான் எங்களை ஸ்டைலிஷாக காண்பித்துள்ளது அவருக்கு எனது நன்றி. மித்ரன் மற்றும் ஜார்ஜ் மேலும் அதிக படங்களில் இணைந்து பணியாற்றுவார்கள் என்ற நம்பிக்கை எனக்கு உள்ளது.
நான் விஜய், சூர்யாவுடன் நடிக்கும்போது அவர்களிடம் மிகவும் மரியாதையாக நடந்து கொள்வேன். ஆனால் விஷாலிடம் அதற்கு நேர்மாறாக ஜாலியாக நடித்தேன். அவர் என்னை விட இளையவர் என்று நான் நினைக்கும் அளவுக்கு அவரிடம் எனர்ஜி இருந்ததை பார்த்தேன். இந்த படத்தில் விஷாலின் லுக், நடிப்பு ஆகியவை பெஸ்ட் ஆக இருக்கும் என்பது எனது கருத்து
மேலும் எனது முதல் படமான 'பாணா காத்தாடி' படத்திற்கு பின் மீண்டும் யுவன் இசையமைக்கும் படத்தில் நடித்துள்ளேன். இவ்வாறு சமந்தா பேசினார்