వేసవి సందడి.. సమంతదే
- IndiaGlitz, [Friday,February 16 2018]
గ‌త నాలుగేళ్ళుగా వేస‌విలో త‌న సినిమాల‌తో.. సమంత బాగానే సందడి చేస్తోంది. ఇక ఈ ఏడాది కూడా ఆమె నటించిన మూడు చిత్రాలు విడుదలకు సిద్ధం కాబోతున్నాయి. వీటిలో ముందుగా మహానటి సావిత్రి జీవిత కథ ఆధారంగా తెరకెక్కుతున్న మహానటి' మార్చి 29న విడుదల కానుంది. నాగ అశ్విన్ దర్శకత్వంలో రూపుదిద్దుకుంటున్న ఈ సినిమాలో జర్నలిస్ట్ గా కనిపించనుంది సామ్. ఇక రామ్ చరణ్ కథానాయకుడిగా సుకుమార్ దర్శకత్వంలో తెరకెక్కిన రంగస్థలం' మార్చి 30న విడుదల కానుంది.
గ్రామీణ నేపథ్యంలో సాగే ఈ ప్రేమ కథలో పల్లెటూరి పిల్ల రామలక్ష్మిగా ప్రాముఖ్యత ఉన్న పాత్రలో కనిపించనుంది సమంత . అంతేగాకుండా.. మూగ అమ్మాయిగా నటించిందనే వార్తలు కూడా వినిపిస్తున్నాయి. అలాగే...తమిళ నటుడు విశాల్ నటించిన తమిళ అనువాద చిత్రం అభిమన్యుడు' (తమిళంలో ఇరుంబుతిరై')లో డాక్టర్ రతీదేవిగా నటించింది ఈ చెన్నై చిన్నది. పి.ఎస్.మిత్రన్ రూపొందించిన ఈ టెక్నో థ్రిల్లర్‌ను ఏప్రిల్ 12న విడుదల చేయనున్నారు. ఇలా మూడు భిన్నమైన పాత్రలలో నటించిన ఈ మూడు చిత్రాలతో వేస‌విలో బాగానే సందడి చేయ‌నుంది సామ్. మ‌రోవైపు కొత్త సినిమాల కు ఓకే చెప్ప‌డంలోనూ సమంత బిజీగా ఉంది.