విడాకుల తర్వాత తొలి సినిమా అనౌన్స్‌మెంట్.. పోస్టర్‌లో డల్‌గా సమంత...!!
- IndiaGlitz, [Friday,October 15 2021]
సమంత-నాగచైతన్య విడాకుల షాక్ నుంచి సినీ పరిశ్రమ, ప్రజలు ఇంకా తేరుకోలేదు. ఆమెకు సంబంధించిన ఏ చిన్న వార్త వచ్చినా అది ప్రస్తుతం వైరలయి కూర్చొంటోంది. ఇంకా అక్కినేని జంట విడాకులకు దారి తీసిన కారణాలేంటీ అన్నదానిపై క్లారిటీ లేదు. అది తెలుసుకోవాలని ఎంతో మంది ప్రయత్నిస్తున్నారు. అదే సమయంలో విడాకుల తర్వాత సమంత సినిమాల్లో నటిస్తుందా..? లేక ఫుల్‌స్టాప్ పెట్టేస్తుందా..? లేదంటే కొన్నాళ్లు గ్యాప్ ఇచ్చి మళ్లీ ఎంట్రీ ఇస్తుందా..? అసలు తెలుగులో సినిమాలు చేస్తుందా..? ఇలా రకరకాలుగా సోషల్ మీడియాలో కథనాలు వస్తున్నాయి. ఈ నేపథ్యంలో దసరా సందర్భంగా ఈ రూమర్లకు చెక్ పెట్టేసింది సామ్.
ఇటీవల గుణశేఖర్ శాకుంతం మూవీలో నటించిన సామ్ తన తదుపరి చిత్రం డ్రీమ్‌ వారియర్‌ పిక్చర్స్‌తో చేయబోతున్నట్లు ఇవాళ అధికారికంగా ప్రకటించింది. కొత్త డైరెక్టర్‌ శాంతరూబన్‌ జ్ఞానశేఖరన్‌ డైరెక్షన్‌లో తెరకెక్కబోయే ఈ చిత్రాన్ని ప్రొడక్షన్‌ నెం.30 అనే వర్కింగ్‌ టైటిల్‌తో ఓ పోస్టర్‌ను విడుదల చేశారు మేకర్స్‌. ఇందులో సమంత డల్‌గా కనిపిస్తుండగా, ఓ విభిన్నమైన ప్రేమకథా చిత్రంగా ఈ మూవీ రూపొందనుందని ఫిలింనగర్ టాక్. ఎస్‌ఆర్‌ ప్రకాశ్‌ బాబు, ఎస్‌ఆర్‌ ప్రభులు సంయుక్తంగా నిర్మిస్తున్నఈ మూవీ ఏకకాలంలో తెలుగు, తమిళంలో తెరకెక్కనుంది. ఈ సినిమాలోని హీరోతో పాటు మిగిలిన నటీనటులు, సాంకేతిక వర్గం గురించి కూడా త్వరలోనే ప్రకటించి, వీలైనంత త్వరలోనే మూవీ సెట్స్‌పైకి తీసుకొచ్చేందుకు దర్శక-నిర్మాతలు ప్లాన్‌ చేస్తున్నారని సమాచారం.