96 தெலுங்கு ரீமேக்கில் இயக்குனர் செய்த மாற்றம்: சமந்தா மகிழ்ச்சி
- IndiaGlitz, [Thursday,January 24 2019]
விஜய்சேதுபதி, த்ரிஷா நடிப்பில் பிரேம்குமார் இயக்கிய '96' திரைப்படம் கடந்த ஆண்டு வெளியாகி சூப்பர் ஹிட் வெற்றி பெற்றது. இந்த படத்தை பார்க்கும் ஒவ்வொருவருக்கும் தங்களது பள்ளி காலத்து மலரும் நினைவுகளை கொண்டு வந்ததுதான் இந்த படத்தின் வெற்றிக்கு மிகப்பெரிய காரணம்
இந்த நிலையில் இந்த படத்தை இயக்குனர் பிரேம்குமார் தெலுங்கில் இயக்கவுள்ளதாகவும், விஜய்சேதுபதி-த்ரிஷா நடித்த ராம்-ஜானு கேரக்டர்களில் சர்வானந்த்-சமந்தா நடிக்கவுள்ளதாகவும் வெளிவந்த செய்தியை ஏற்கனவே பார்த்தோம்
இந்த நிலையில் தெலுங்கு ரீமேக் படத்தில் தமிழ் 96 போல, பள்ளி காட்சிகள் இல்லை என்றும், அதற்கு பதிலாக கல்லூரி காதல் காட்சிகள் இருப்பதாகவும் செய்திகள் வெளிவந்துள்ளது. இதனால் '96' தமிழ்ப்படம் போல் சிறுவயது ராம்-ஜானு கேரக்டர்கள் இல்லை என்பதால் படம் முழுவதும் ராம் கேரக்டரில் சர்வானந்தும், ஜானு கேரக்டரில் சமந்தாவும் நடிக்கவுள்ளனர். இதனால் சமந்தா அதிக மகிழ்ச்சியில் இருப்பதாக கூறப்படுகிறது.