'மார்வெல்' படத்தில் விஜய்யுடன் இவர்கள் 2 பேரும் நடிக்கலாம்: சமந்தா
- IndiaGlitz, [Sunday,November 05 2023]
’மார்வெல்’ படத்தில் உள்ள கேரக்டர்களுக்கு இந்திய நடிகர்கள் யார் யார் பொருத்தமாக இருப்பார் என்ற கேள்விக்கு விஜய்யுடன் இரண்டு பிரபலங்களை நடிக்கலாம் என நடிகை சமந்தா கூறியுள்ளார்.
ஹாலிவுட் திரைப்படமான ’தி மார்வெல்’ என்ற படம் தீபாவளியை முன்னிட்டு நவம்பர் 10 ஆம் தேதி வெளியாக இருக்கும் நிலையில் இந்த படத்தின் புரமோஷன் நிகழ்ச்சி சமீபத்தில் ஹைதராபாத்தில் நடைபெற்றது.
தமிழ், தெலுங்கு, ஹிந்தி, ஆங்கிலம் ஆகிய மொழிகளில் இந்தியாவில் வெளியாக உள்ள இந்த படத்தின் தெலுங்கு பதிப்பில் ஒரு முக்கிய கேரக்டருக்கு நடிகை சமந்தா டப்பிங் பேசி உள்ளார்.
இதனை அடுத்து ஹைதராபாத்தில் நடந்த புரமோஷன் நிகழ்ச்சியில் கலந்து கொண்ட சமந்தா, ‘கேப்டன் மார்வெல் தனக்கு மிகவும் பிடித்த கேரக்டர் என்றும்
இந்த படத்தில் உள்ள மூன்று சக்தி வாய்ந்த சூப்பர் ஹீரோக்கள் தீமைக்கு எதிரான போரில் ஈடுபட்டுள்ளதாகவும் தெரிவித்தார்.
இந்த நிலையில் ’மார்வல்’ படத்தில் உள்ள மூன்று கேரக்டருக்கு எந்த இந்திய நடிகர்கள் நடித்தால் பொருத்தமாக இருக்கும் என்று கேட்கப்பட்டதற்கு விஜய், பிரியங்கா சோப்ரா மற்றும் அல்லு அர்ஜுன் என சமந்தா பதிலளித்தார். அவரது இந்த பதில் இணையத்தில் வைரல் ஆகி வருகிறது.