ఇదేంటి టైటిల్ చూడగానే షాకయ్యారా..? అవును మీరు వింటున్నది నిజమే. అదేంటి అక్కినేని ఫ్యామిలీ వైసీపీలో ఉందిగా మళ్లీ ఈ సడన్ ట్విస్ట్ ఏంటని అనుకుంటున్నారేమో.. అదేనండి ఎన్నికల సీజన్.. పెళ్లిళ్ల సీజన్.. ఇలా సీజన్లు వస్తే.. నటీ నటులు ప్రకటనల్లో మెరుస్తుంటారు. అలాగే సమంత ఎన్నికల ముందు సైకిల్ గుర్తుకు ఓటేయాలంటూ సవారీ చేస్తోంది. సరిగ్గా ఎన్నికల ప్రచారం ముగిసిన రోజే సమంతతో గుంటూరు జిల్లా రేపల్లె టీడీపీ అభ్యర్థి అనగాని సత్యప్రసాద్ ఒక యాడ్ చేయించారు. ప్రస్తుతం ఈ యాడ్ నెట్టింట్లో వైరల్‌గా మారింది.

వీడియోలో ఏముంది...!

" నేను మీ సమంత.. మన రేపల్లి మన అనగాని సత్యప్రసాద్.. అభివృద్ధికి ఓట్ చేయండి. అనగాని సత్యప్రసాద్‌కు ఓట్ చేసి అత్యధిక మెజార్టీతో గెలిపించండి. సైకిల్‌ గుర్తుకే మీ ఓటు" సమంత వీడియోలో చెప్పుకొచ్చింది. కాగా నెటిజన్లు, అక్కినేని అభిమానులు సమంతగా తీవ్ర స్థాయిలో ఆగ్రహం వ్యక్తం చేస్తున్నారు. మామ వైసీపీ... కోడలు టీడీపీకి ఓటేయమంటోంది.. అసలేంటి ఈ గోల మాకు అంటూ కామెంట్ల వర్షం కురిపిస్తున్నారు. అయితే ఈ వ్యవహారంపై అక్కినేని కుటుంబం ఎలా రియాక్టవుతుందో వేచి చూడాల్సిందే మరి.