‘సాహో’లో శ్రద్ధా నటనపై సమంత కామెంట్స్
- IndiaGlitz, [Sunday,September 08 2019]
యంగ్ రెబల్ స్టార్ ప్రభాస్, శ్రద్దా కపూర్ నటీనటులుగా సుజిత్ తెరకెక్కించిన చిత్రం ‘సాహో’. ఆగస్టు-30న విడుదలైన ఈ చిత్రంపై మిక్స్‌డ్ టాక్ వినిపిస్తోంది. భారీ బడ్జెట్‌తో నిర్మితమైన ఈ చిత్రంపై సినిమా షూటింగ్ మొదలుకుని రిలీజ్ వరకూ ఎంతో ఆసక్తి నెలకొంది. అయితే ఈ సినిమా చూసిన సినీ ప్రియులు, నటీనటులు సోషల్ మీడియా వేదికగా తమ అభిప్రాయాలను వెల్లడిస్తున్నారు.
అయితే తాజాగా.. ‘సాహో’ సినిమాను టాలీవుడ్ టాప్ హీరోయిన్ సమంత వీక్షించింది. చూసిన వెంటనే తన అభిప్రాయాలను ఇన్‌స్టాగ్రామ్ వేదికగా చెప్పుకొచ్చింది. ‘సినిమా చూశాను. చాలా బాగా ఎంజాయ్ చేశాను. శ్రద్దా కపూర్ అద్భుతంగా నటించింది’ అనిఇన్‌స్టాగ్రామ్‌లో రాసుకొచ్చింది. అయితే ఈ పోస్ట్‌ను శ్రద్ధా ఇంకా చూసిందో లేదో మరి.. ఒక వేళ చూస్తే రియాక్షన్ ఉంటుందో లేకుంటే సైలెంట్‌గా అయిపోతుందో వేచి చూడాల్సిందే మరి