సమంతకి రిపీట్ అవుతుందా?
- IndiaGlitz, [Thursday,April 07 2016]
ప్ర‌తి ఒక్క న‌టుడికి లేదా న‌టికి కొన్ని లైఫ్ చేంజ్ మూవీస్ ఉంటాయి. సమంతకి కూడా అలాంటి సినిమాలు రెండు ఉన్నాయి. అవే 'ఏమాయ చేసావె', 'మ‌నం'. మొద‌టి చిత్రం త‌రువాత ఆమె జాత‌కం ఒక్క సారిగా మారింది. అయితే 'మ‌నం' త‌రువాత మాత్రం స‌మంత గ్రాఫ్ కొంచెం కొంచెంగా డౌన్ అవుతోంది. ఎందుకంటే.. 'మ‌నం'లో అంత మంచి పాత్ర పోషించ‌డం ఒక కార‌ణ‌మైతే.. త‌రువాత వ‌చ్చిన సినిమాల్లో ఆమె పాత్ర‌ల్లో ప‌స‌లేక‌పోవ‌డం మ‌రో కార‌ణం.
'మ‌నం'లో రెండు విభిన్న పాత్ర‌ల్లో స‌మంత క‌న‌బ‌రిచిన అభిన‌యం ఇప్ప‌టికీ వార్త‌ల్లో నిలిచే అంశ‌మే. 'మ‌నం' త‌రువాత ఆ స్థాయి పాత్ర చేయ‌ని స‌మంత.. రాబోయే '24'లో అలాంటి పాత్ర చేశాన‌ని చెప్పుకొస్తోంది. 'మ‌నం' ద‌ర్శ‌కుడు విక్ర‌మ్ కుమార్ ద‌ర్శ‌క‌త్వంలో చేసిన ఈ సినిమా తెలుగు, త‌మిళ భాష‌ల్లో మే నెల‌లో విడుద‌ల కానుంది. విశేష‌మేమిటంటే.. 'మ‌నం' కూడా మే నెల‌లోనే ప్రేక్ష‌కుల ముందుకు రావ‌డం. మ‌రి 'మ‌నం' హిట్ సెంటిమెంట్ '24' విష‌యంలో సమంతకి రిపీట్ అవుతుందేమో చూడాలి.