చైతు సెట్లో సమంత సందడి...
- IndiaGlitz, [Monday,December 05 2016]
అక్కినేని నాగ‌చైత‌న్య, సమంత ప్రేమ పెళ్లికి ఇరు కుటుంబాలు గ్రీన్ సిగ్న‌ల్ ఇవ్వ‌డంతో ఈ ప్రేమ ప‌క్షుల ఆనందానికి అంతు లేకుండా పోయింది. డిసెంబ‌ర్‌లో అఖిల్ పెళ్లి జ‌ర‌గ‌నుంది. దీని త‌ర్వాతే అంటే వ‌చ్చే ఏడాదినే చైత‌న్య, స‌మంత‌ల పెళ్లి జ‌రుగుతుంద‌ని స‌మాచారం. దీంతో వీలునప్పుడ‌ల్లా సమంత చైత‌న్య‌తో స‌మ‌యం గ‌డుపుతుంద‌ట. రీసెంట్‌గా క‌ల్యాణ్ కృష్ణ దర్శకత్వంలో చైత‌న్య హీరోగా నటిస్తున్న చిత్రం వైజాగ్ బీచ్‌లో చిత్రీక‌ర‌ణ జ‌రుపుకుంటుంది. ఈ సెట్లో సమంత సందడి చేసింది. చైత‌న్య, ర‌కుల్ ప్రీత్ సింగ్ స‌హా చిత్ర‌యూనిట్‌తో స‌రాదాగా గ‌డిపింది. చైత‌న్య, ర‌కుల్ జంట‌గా క‌ల్యాణ్ కృష్ణ తెర‌కెక్కిస్తున్న ల‌వ్‌, ఫ్యామిలీ ఎంట‌ర్‌టైన‌ర్ ప్ర‌స్తుతం చిత్రీక‌ర‌ణ ద‌శ‌లో ఉంది.