நாடு முழுவதும் நீதிமன்றங்களில் தினமும் நூற்றுக்கணக்கான திருமண முறிவுகள் குறித்த வழக்குகள் விசாரணைக்கு வந்த போதிலும் திரையுலக பிரபலங்களின் திருமண முறிவுகள் மட்டும் வெளிச்சத்துக்கு வந்து ஊடகங்களில் பரபரப்பை ஏற்படுத்தி வருகின்றன

அந்த வகையில் 2021 ஆம் ஆண்டில் சமந்தா - நாக சைதன்யா, சுஷ்மிதாசென் -ரோஹ்மான், அமீர்கான் - கிரண் ராவ் மற்றும் டி.இமான் - மோனிகா உள்பட ஒரு சில திரையுலக பிரபலங்கள் தங்களது திருமண பந்தம் முடிவுக்கு வந்ததாக அறிவித்த நிலையில் தற்போது அந்த பட்டியலில் தனுஷ் - ஐஸ்வர்யா தம்பதியும் இணைந்து உள்ளனர்

பிரபல நடிகையான சமந்தா மற்றும் நாக சைதன்யா ஒருமித்த தம்பதிகளாக வாழ்ந்து கொண்டிருந்த நிலையில் திடீரென இருவருக்கும் ஏற்பட்ட கருத்து வேறுபாடு காரணமாக ஒருவரை ஒருவர் பரஸ்பரம் பிரிந்து கொள்வதாக அறிவித்தனர். அதேபோல் அமீர்கான் - கிரண்ராவ், டி. இமான் - மோனிகா, விஷ்ணு விஷால் - ரஜனி உள்பட ஒரு சில திரையுலக பிரபலங்கள் சமீபத்தில் விவாகரத்து செய்தவர்களின் பட்டியலில் உள்ளனர் என்பது குறிப்பிடத்தக்கது

அந்த வகையில் யாருமே எதிர்பாராத வகையில் திடீரென நேற்று தனுஷ் - ஐஸ்வர்யா தம்பதியின் 18 ஆண்டுகால திருமண பந்தமும் முடிவுக்கு வந்ததாக அறிவித்திருப்பது ரசிகர்களுக்கு பேரதிர்ச்சியாக உள்ளது

திருமண முறிவு என்பது தம்பதிகள் இருவருக்குமே எவ்வளவு பெரிய வலியான நிகழ்வு என்பது தெரிந்ததுதான். ஆனால் அதையும் மீறி திரையுலக பிரபலங்கள் அந்த முடிவை எடுத்து உள்ளார்கள் என்றால் அது அவர்களது தனிப்பட்ட விவகாரம் என்பதை மனதில் கொண்டு அவர்களது முடிவுக்கு மதிப்பளிப்பது ரசிகர்களின் கடமையாக கருதப்படுகிறது.

pic.twitter.com/o2nFKDIE26

— chaitanya akkineni (@chay_akkineni) October 2, 2021

?????????? pic.twitter.com/hAPu2aPp4n

— Dhanush (@dhanushkraja) January 17, 2022