ஆன்மீக சுற்றுலாவை அடுத்து வெளிநாட்டு பயணம்.. சமந்தாவின் லேட்டஸ்ட் புகைப்படங்கள்..!
- IndiaGlitz, [Monday,July 24 2023]
நடிகை சமந்தா சில மாதங்கள் திரையுலகில் இருந்து விலகி இருக்க முடிவு செய்திருப்பதாகவும் தனக்கு ஏற்பட்ட மயோசிட்டிஸ் என்ற நோய்க்கு அவர் சிகிச்சை பெற இருப்பதாகவும் கூறப்பட்டது.
அவர் நடித்து முடித்துள்ள ’குஷி’ மற்றும் ’சிட்டாடல்’ ஆகிய இரண்டு திரைப்படங்களும் விரைவில் ரிலீஸ் ஆக இருக்கும் நிலையில் வேறு திரைப்படங்களில் அவர் நடிக்க ஒப்பந்தமாகவில்லை என்பது குறிப்பிடத்தக்கது.
இந்த நிலையில் கடந்த சில நாட்களாக அவர் ஆன்மீக சுற்றுப்பயணம் செய்தார் என்பதும் குறிப்பாக வேலூர் தங்க கோவில், கோவை ஈஷா யோகா மையம் ஆகிய பகுதிகளுக்கு சுற்றுப்பயணம் செய்த புகைப்படங்கள் வைரல் ஆகின.
இந்த நிலையில் தற்போது அவர் இந்தோனேசிய நாட்டில் உள்ள பாலி என்ற பகுதிக்கு சுற்றுப்பயணம் செய்துள்ளார். அங்கு எடுக்கப்பட்ட புகைப்படங்களை சமந்தா தனது இன்ஸ்டாகிராமில் பதிவு செய்துள்ள நிலையில் அந்த புகைப்படங்கள் இணையத்தில் வைரல் ஆகி வருகின்றன.
இந்த புகைப்படங்கள் பதிவு செய்து ஒரு சில மணி நேரங்களே ஆகியுள்ள நிலையில் 15 லட்சத்துக்கும் அதிகமான லைக்ஸ், ஆயிரக்கணக்கான கமெண்ட்ஸ் குவிந்து உள்ளது என்பது குறிப்பிடத்தக்கது.