பிரபல நடிகை சமந்தா என்னுடைய பெயர் என்ன என்று தெரியுமா என்று வெளியிட்டுள்ள வீடியோ தற்போது சமூக வலைதளங்களில் வைரலாகி வருகிறது.

தமிழ், தெலுங்கு திரையுலகின் முன்னணி நடிகைகளில் ஒருவராக சமந்தா உள்ளார் என்பதும் தற்போது அவர் கிட்டத்தட்ட அரை டஜன் படங்களில் நடித்து வருகிறார் என்பது குறிப்பிடத்தக்கது.

இந்த நிலையில் சமூக வலைதளங்களில் ஆக்டிவ்வாக இருக்கும் சமந்தாவுக்கு இன்ஸ்டாகிராமில் மட்டும் 24 மில்லியனுக்கும் அதிகமான ஃபாலோயர்கள் உண்டு என்பதும் அவரது இன்ஸ்டாகிராம் பக்கத்தில் பதிவு செய்யப்படும் வீடியோக்கள் மிகப்பெரிய அளவில் வைரலாகும் என்பதும் தெரிந்ததே.

இந்நிலையில் சமந்தா நடித்த திரைப்படங்களின் கேரக்டர்களின் பெயர்களை கொண்டு வீடியோ ஒன்றை பதிவு செய்துள்ளார். அதில் அவர் நடித்த கேரக்டர்களான ஜெஸ்ஸி, பிந்து, மதுரவாணி, ராஜி, பேபி, ராமலட்சுமி, தாரா, நித்யா, மித்ரா, ரச்சனா, அனுசுயா, வேம்பு ஆகிய கேரக்டரில் நான் நடித்திருப்பதால், என்னுடைய பெயர் சமந்தாவாக இருந்தாலும், பலர் என்னை இந்த கேரக்டர்களின் பெயரை கொண்டுதான் அழைத்து வருகின்றனர் என்று பதிவு செய்து உள்ளார். சமந்தா பதிவு செய்துள்ள இந்த க்யூட் வீடியோ தற்போது இணையதளங்களில் வைரலாக வருகிறது.

சமந்தா நடித்த மேற்கண்ட கேரக்டர்களில் உங்களுக்கு பிடித்த கேரக்டர் எது என்பதை கமெண்ட் பகுதியில் பதிவு செய்யுங்கள்.
 

View this post on Instagram

A post shared by Samantha (@samantharuthprabhuoffl)