வருத்தப்படாத வாலிபனுடன் இணைந்தார் சமந்தா
- IndiaGlitz, [Friday,July 07 2017]
வருத்தப்படாத வாலிபன்', 'ரஜினிமுருகன்' ஆகிய இரண்டு வெற்றி படங்களை அடுத்து மீண்டும் இணைந்த சிவகார்த்திகேயன் - பொன்ராம் கூட்டணியின் புதிய படத்தின் படப்பிடிப்பு கடந்த சில நாட்களுக்கு முன் தொடங்கியது என்பதை பார்த்தோம். இந்த படத்தில் முதன்முறையாக சிவகார்த்திகேயனுக்கு ஜோடியாகிறார் சமந்தா
இந்நிலையில் இந்த படத்தின் படப்பிடிப்பு கடந்த சில நாட்களாக நடைபெற்று வந்த நிலையில் தற்போது படப்பிடிப்பில் சமந்தா இணைந்துள்ளார். அவருக்கு பூங்கொத்து கொடுத்து படக்குழுவினர் வரவேற்றனர்.
24 ஏம் ஸ்டுடியோஸ் நிறுவனத்தின் சார்பில் தயாரிக்கப்படும் இந்த படத்தில் சிம்ரன் மற்றும் நெப்போலியன் முக்கிய வேடத்தில் நடிக்கவுள்ளனர். டி.இமான் இசையமைப்பில் பாலசுப்பிரமணியம் ஒளிப்பதிவில், விவேக் ஹர்சன் படத்தொகுப்பில் உருவாகும் இந்த படத்திற்கு கவிஞர் யுகபாரதி அனைத்து பாடல்களையும் எழுதுகிறார். டி.முத்துராஜ் கலை இயக்குனராகவும், ஸ்டண்ட் இயக்குனராக அனல் அரசும் பணிபுரிந்து வருகின்றனர்.