ஜி.வி.பிரகாஷூடன் இணைந்தார் சமந்தா
- IndiaGlitz, [Friday,March 18 2016]
இளையதளபதி விஜய்யுடன் சமந்தா நடித்த 'தெறி' படத்திற்கு ஜி.வி.பிரகாஷ் இசையமைத்திருக்கும் நிலையில், ஜி.வி.பிரகாஷ் நடித்து இசையமைக்கும் படம் ஒன்றின் மோஷன் போஸ்டர் ஒன்றை சமந்தா வெளியிடவுள்ளதாக தகவல் வெளிவந்துள்ளது.
லைகா புரடொக்ஷன்ஸ் தயாரிப்பில் உருவாகியுள்ள 'எனக்கு இன்னொரு பேர் இருக்கு' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்ஷன்ஸ் பணிகள் நடைபெற்று வரும் நிலையில் இந்த படத்தின் மோஷன் போஸ்டர் ஒன்று இன்று மாலை ஐந்து மணிக்கு வெளியாகவுள்ளது. இந்த மோஷன் போஸ்டரை நடிகை சமந்தா, தனது சமூக வலைத்தளத்தில் வெளியிடவுள்ளார்.
எனக்கு இன்னொரு பேர் இருக்கு' படத்தை 'டார்லிங்' படத்தை இயக்கிய சாம் ஆண்டன் இயக்கியுள்ளார். ஜி.வி.பிரகாஷ், ஆனந்தி, நிரோஷா, சரவணன், கருணாஸ், யோகிபாபு உள்பட பலர் நடித்துள்ள இந்த படத்திற்கு கிருஷ்ணன் வசந்த் ஒளிப்பதிவும், ரூபன் படத்தொக்குப்பும் செய்துள்ளனர். இந்த படம் வரும் கோடை விடுமுறையில் வெளியாகும் என எதிர்பார்க்கப்படுகிறது.