நடிகை சமந்தா மற்றும் நடிகர் நாக சைதன்யா கடந்த சில மாதங்களுக்கு முன் தங்களுடைய விவாகரத்து அறிவிப்பை அதிகாரபூர்வமாக வெளியிட்ட நிலையில் சமீபத்தில் பேட்டியளித்த நாகசைதன்யா தனக்கு சரியான ஜோடி சமந்தா தான் என கூறியிருப்பது பெரும் பரபரப்பை ஏற்படுத்தி உள்ளது.

சமந்தா மற்றும் நாக சைதன்யா விவாகரத்து அறிவிப்பு வெளியாகி நான்கு மாதங்களுக்கு மேலாகியும் இது குறித்த செய்திகள் அவ்வப்போது ஊடகங்களில் வெளிவந்து கொண்டிருக்கின்றன. சமீபத்தில் பேட்டியளித்த நாகசைதன்யா விவாகரத்து என்பது இருவரும் சேர்ந்து எடுத்த முடிவு என்றும் விவாகரத்துக்கு பின் சமந்தா சந்தோசமாக இருந்தால் தனக்கும் சந்தோசம்தான் என்றும் தெரிவித்திருந்தார்.

இந்த நிலையில் தற்போது அவர் அளித்துள்ள மேலும் ஒரு பேட்டியில், ‘திரையில் தனக்கு சரியான ஜோடி சமந்தா தான் என்றும் அவருக்கும் எனக்குமான கெமிஸ்ட்ரி சரியாக ஒத்துப்போகும் என்றும் அவர் கூறியிருப்பது அனைவரையும் அதிர்ச்சி அடையச் செய்தது.

மேலும் சமந்தா நடித்த ’மஜ்லி’ திரைப்படத்தை ஹிந்தியில் ரீமேக் செய்தால் நன்றாக இருக்கும் என்றும் அவர் தெரிவித்துள்ளார். மேலும் தனது பாலிவுட்டில் நடிக்க வாய்ப்பு கிடைத்தால் தீபிகா படுகோன் மற்றும் ஆலியா பட் உடன் நடிக்க விரும்புவதாகவும் அவர் கேள்வி ஒன்றுக்கு பதில் அளித்தார்.