సమంతకి అన్నీ అవే
- IndiaGlitz, [Monday,May 16 2016]
2016లో ఏకంగా అర‌డ‌జ‌ను సినిమాల‌తో సంద‌డి చేస్తోంది చెన్నై పొన్ను సమంత. వీటిలో ఇప్ప‌టికే మూడు సినిమాలు (ఒక‌టి అతిథి పాత్ర) విడుదల కాగా.. మ‌రో మూడు విడుద‌ల‌కు ముస్తాబ‌వుతున్నాయి. ఈ ఆరు చిత్రాల‌ను గ‌మ‌నిస్తే ఓ విష‌యం స్ప‌ష్టంగా అర్థ‌మ‌వుతుంది. అదేమిటంటే.. వీటిలో ఏ ఒక్క సినిమాలోనూ సమంత సోలో హీరోయిన్ కాక‌పోవ‌డం.
అతిథి వేష‌మేసిన త‌మిళ చిత్రం 'బెంగ‌ళూరు నాట్‌గ‌ళ్‌'లో స‌మంత‌తో పాటు మ‌రో ముగ్గురు హీరోయిన్స్ ఉండ‌గా.. 'తెరి' (పోలీస్‌)లో ఎమీ జాక్స‌న్‌, '24'లో నిత్యామీన‌న్ సెకండ్ లీడ్స్‌గా సంద‌డి చేశారు.
ఇక విడుద‌ల‌కు సిద్ధ‌మైన 'బ్రహ్మోత్సవం'లో స‌మంత‌తో పాటు కాజల్, ప్రణీత న‌టించ‌గా.. 'అఆ'లో అనుప‌మ ప‌ర‌మేశ్వ‌ర‌న్ కూడా మ‌రో హీరోయిన్‌గా ఉంది. అలాగే నిర్మాణంలో ఉన్న 'జ‌న‌తా గ్యారేజ్‌'లోనూ స‌మంత‌తో పాటు నిత్యామీన‌న్ కూడా ఓ హీరోయిన్‌గా న‌టిస్తోంది. మొత్తానికి ఈ ఏడాదిలో సమంత చేసిన సినిమాల‌న్నింటిలోనూ ఒకే కామ‌న్ ఫ్యాక్ట‌ర్ ఉంద‌న్న‌మాట. కొస‌మెరుపు ఏమిటంటే.. 2013లోనూ సమంత ఇదే ప‌రిస్థితిని చూసి ఉండ‌డం.