సమంత అంటే ఎనర్జీ.. నిత్యా అంటే గౌరవం..
- IndiaGlitz, [Tuesday,April 12 2016]
ఒక్కో క‌థానాయిక‌లో ఒక్కో మంచి గుణం ఉంటుంది. అది వారితో క‌లిసి ప‌నిచేసే వారి మాటల్లో అప్పుడ‌ప్పుడు సంద‌ర్భానుసారంగా బ‌య‌ట‌కి వ‌స్తుంది. ఇప్పుడు ఇలానే ఇద్ద‌రు ప్ర‌ముఖ క‌థానాయిక‌ల గురించి ఓ ప్ర‌ముఖ క‌థానాయ‌కుడు పొగ‌డ్త‌ల వ‌ర్షం కురిపించారు. ఆ క‌థానాయిక‌లు సమంత, నిత్యా మీన‌న్ కాగా.. క‌థానాయ‌కుడు సూర్య.
సోమ‌వారం ఉద‌యం చెన్నైలో జ‌రిగిన '24' ఆడియోలో ఈ ఇద్ద‌రు ముద్దుగుమ్మ‌ల‌పై సూర్య ప్ర‌శంస‌ల వ‌ర్షం కురిపించారు. సమంత ఎప్పుడూ ఎనర్జీతో ఉంటుంద‌ని.. ఆమెలోని ఆ ఎనర్జీ త‌న‌కెంతో ఇష్ట‌మ‌ని చెప్పాడు సూర్య. ఇక నిత్యా మీన‌న్ గురించి మాట్లాడుతూ పాత్ర నిడివితో సంబంధం లేకుండా ఆ పాత్ర కోసం క‌ష్ట‌ప‌డే గుణం చూస్తే నిత్యాపై గౌరవం పెరిగింద‌ని చెప్పుకొచ్చాడు.